தூத்துக்குடி – அக் -23,2023
newz – webteam
குலசேகரன்பட்டினம் அருள்மிகு முத்தாரம்மன் கோவில் தசரா திருவிழாவை முன்னிட்டு காவல்துறையினரின் பாதுகாப்பு ஏற்பாடுகள் குறித்து காவல்துறை அதிகாரிகளுடன் தூத்துக்குடி மாவட்ட காவல் கண்காணிப்பாளர் டாக்டர் எல். பாலாஜி சரவணன் தலைமையில் ஆலோசனைக் கூட்டம்.
குலசேகரன்பட்டினத்தில் இவ்வாண்டு அருள்மிகு முத்தாரம்மன் கோவில் தசரா திருவிழா கடந்த 15.10.2023 அன்று முதல் தொடங்கி 25.10.2023 வரை நடைபெற்று வருகிறது.
இத்திருவிழாவை முன்னிட்டு பொதுமக்கள் அதிகம் கூடும் முக்கிய நாட்களான இன்று (23.10.2023) முதல் 25.10.2023 ஆகிய 3 நாட்கள் திருவிழா பாதுகாப்பு ஏற்பாடுகள் குறித்து இன்று (23.10.2023) குலசேகரன்பட்டினம் ராயல் மஹாலில் வைத்து தூத்துக்குடி மாவட்ட காவல் கண்காணிப்பாளர் டாக்டர் எல். பாலாஜி சரவணன் தலைமையில் காவல்துறை அதிகாரிகளுடன் ஆலோசனைக் கூட்டம் நடைபெற்றது.
இந்த திருவிழாவை முன்னிட்டு 5 காவல்துறை கூடுதல் கண்காணிப்பாளர்கள், 20 காவல் துணை கண்காணிப்பாளர்கள், 68 காவல் ஆய்வாளர்கள் மற்றும் உதவி ஆய்வாளர்கள் உட்பட தூத்துக்குடி, விருதுநகர், தேனி, கன்னியாகுமரி, தென்காசி மற்றும் திருநெல்வேலி ஆகிய மாவட்டங்களை சேர்ந்த 2500 போலீசார் பாதுகாப்பு பணியில் ஈடுபடுத்தப்பட உள்ளனர்.
மேலும் இக்கூட்டத்தில் தூத்துக்குடி மாவட்ட காவல் கண்காணிப்பாளர் டாக்டர் எல். பாலாஜி சரவணன் அவர்கள், தசரா திருவிழா பாதுகாப்பு ஏற்பாடுகள் குறித்தும், பாதுகாப்பு பணியில் ஈடுபடும் காவல்துறையினர் மேற்கொள்ள வேண்டிய பணிகள் குறித்தும் அறிவுரைகள் மற்றும் ஆலோசனைகள் வழங்கினார்.
இக்கூட்டத்தில் தூத்துக்குடி தலைமையிடத்து காவல்துறை கூடுதல் கண்காணிப்பாளர் கார்த்திகேயன், சைபர் குற்ற பிரிவு காவல்துறை கூடுதல் கண்காணிப்பாளர் உன்னி கிருஷ்ணன், திருநெல்வேலி மாவட்ட காவல்துறை கூடுதல் கண்காணிப்பாளர் பாலச்சந்திரன், கன்னியாகுமரி மாவட்ட காவல்துறை கூடுதல் கண்காணிப்பாளர் . சுப்பையா, தென்காசி மாவட்ட காவல்துறை கூடுதல் கண்காணிப்பாளர் தனராஜ் கணேஷ் உட்பட காவல் துணை கண்காணிப்பாளர்கள் மற்றும் காவல் ஆய்வாளர்கள் பலர் கலந்து கொண்டனர்.
0 Comments