நெல்லையில் 77,வது சுதந்திர தின விழா போலீசார் அணிவகுப்புடன் நடைபெற்றது மெச்சதகுந்த பணிக்காக 39,நபர்களுக்கு ஆட்சியர் சான்றிதழ் வழங்கி பாராட்டு…..

திருநெல்வேலி – ஆகஸ்ட் -15,2023

newz – webteam

77 வது சுதந்திர தின விழா காவல்துறை அணிவகுப்பு மரியாதையுடன் பாளையங்கோட்டை வ.உ.சி மைதானத்தில் நடைபெற்றது.

77 ஆவது சுதந்திர தின விழா நாடு முழுவதும் கொண்டாடப்படுகிறது. இதை முன்னிட்டு பாளையங்கோட்டை வ.உ.சி மைதானத்தில் வைத்து சுதந்திர தின விழா நடைபெற்றது. இந்நிகழ்ச்சியில் திருநெல்வேலி மாவட்ட ஆட்சியர் கார்த்திகேயன் இ.ஆ.ப., திருநெல்வேலி சரக காவல்துறை துணை தலைவர் பிரவேஷ்குமார் இ.கா.ப., அவர்கள், திருநெல்வேலி மாவட்ட காவல் கண்காணிப்பாளர் . N.சிலம்பரசன் அவர்கள், நெல்லை மாநகர மேற்கு காவல் துணை ஆணையாளர் சரவணகுமார் நெல்லை மாநகர காவல் துணை ஆணையாளர் தலைமையிடம் அனிதா அவர்கள் மற்றும் காவல்துறை அதிகாரிகள் கலந்து கொண்டனர் .

சுதந்திர தின விழாவில் திருநெல்வேலி மாவட்ட ஆட்சியர் கார்த்திகேயன் தேசியக் கொடியை ஏற்றி, ஆயுதப்படை காவல் ஆய்வாளர் . மகேஸ்வரி முன்னிலை வகித்து வழிநடத்தி வந்த காவல்துறையினரின் அணிவகுப்பு மரியாதையை ஏற்றுக்கொண்டார்.

மேலும் திருநெல்வேலி மாவட்டத்தில் சிறப்பான முறையில் பணிபுரிந்த காவல்துறையினர் மற்றும் அமைச்சு பணியாளர் உட்பட 39 பேர்களுக்கு நற்சான்றிதழ்களை மாவட்ட ஆட்சியர் வழங்கினார்.