காவலர் பயிற்சியில் உள்ள ஆயுதபடை காவலர்களுக்கு எஸ்பி அலுவலகத்‌‌‌தில்‌‌‌ உள்‌‌‌ள பிரிவுகள் குறித்து ஒருநாள் பயிற்சி எஸ்பி தலைமையில் நடைபெற்றது……

தூத்துக்குடி – அக் -18,2023

newz – webteam

பேரூரணி காவலர் பயிற்சிப் பள்ளியில் பயிற்சி பெற்று வரும் ஆயுதப்படை காவலர்களுக்கு மாவட்ட காவல்துறை அலுவலகத்தில் இயங்கி வரும் பல்வேறு பிரிவுகள் குறித்து இன்று ஒரு நாள் பயிற்சி – மாவட்ட காவல் கண்காணிப்பாளர் டாக்டர் எல். பாலாஜி சரவணன் விரிவுரை வழங்கினார்.

தமிழ்நாடு சீருடைப்பணியாளர் தேர்வாணையம் 2022 ஆம் ஆண்டில் நடத்திய இரண்டாம் நிலை காவலர் தேர்வில் தேர்ச்சி பெற்றதில் 515 பேர் கடந்த 01.06.2023 அன்று முதல் தூத்துக்குடி பேரூரணி காவலர் பயிற்சி பள்ளியில் ஆயுதப்படை பயிற்சி காவலராக பயிற்சி பெற்று வருகின்றனர்.

மேற்படி பயிற்சி காவலர்களுக்கு இன்று (தூத்துக்குடி மாவட்ட காவல் அலுவலகத்தில் உள்ள மாவட்ட குற்ற ஆவண காப்பகம், மாவட்ட தனிவிரல் ரேகை பிரிவு மற்றும் மாவட்ட காவல் கட்டுப்பாட்டு அறை உட்பட பல்வேறு பிரிவுகள் குறித்து ஒரு நாள் பயிற்சி நடைபெற்றது.

இந்த பயிற்சியில் மாவட்ட காவல் கண்காணிப்பாளர் டாக்டர் எல். பாலாஜி சரவணன் அவர்கள் பயிற்சி காவலர்களுக்கு மாவட்ட தனிவிரல் ரேகை பிரிவு உட்பட மேற்படி பிரிவுகளின் செயல்பாடுகள் குறித்து விரிவுரையாற்றி பயிற்சியளித்தார்.