லுக் அவுட் நோட்டீஸ் குற்றவாளிகள்‌‌‌ மீது எடுத்த நடவடிக்கை சம்பந்தமாக விமான நிலைய காவல்‌‌‌ நிலையத்தில் போலீஸ் கமிஷனர் ஆய்வு…

திருச்சி – அக் -28,2023

newz – webteam

திருச்சி மாநகர காவல் ஆணையர் மாநகரத்தில் உள்ள சோதனை சாவடிகள் மற்றும் விமான நிலைய காவல் நிலையத்தின் செயல்பாடுகள் குறிந்து நேரில் சென்று திடீர் ஆய்வு செய்தார்
இன்று திருச்சி மாநகர காவல் ஆணையர் காமினி, இ.கா.ப., திருச்சி மாநகரத்தில் உள்ள சோதனை சாவடிகளை ஆய்வு செய்து சோதனை சாவடிகளில் உள்ள குறைபாடுகளை கேட்டறிந்தார் மேலும் விமான நிலைய காவல் நிலையத்தை திடீர் ஆய்வு செய்தும், அங்கு வரவேற்பாளர்களின் செயல்பாடுகள் குறித்து காவல் அதிகாரிகள் மற்றும் ஆளிநர்களிடம் குறைகளை கேட்டறிந்தார்
அதன்பின், காவல் நிலைய பதிவேடுகளை பார்வையிட்டு நிலுவையில் உள்ள வழக்குகள் பற்றி ஆய்வு செய்தார் மேலும் தேடப்படும் குற்றவாளிகள் விமான நிலைய அதிகாரிகளிடம் பெறப்பட்டு, அவர்களை முறையாக சம்மந்தப்பட்ட காவல் நிலைய அதிகாரிகளிடம் ஒப்படைக்கப்படுகின்றார்களா‌ என நிலைய பதிவேடு பார்வையிட்டு ஆய்வு செய்தார்
மேலும் காவல் நிலையத்திற்கு வரும் பொதுமக்களிடம் வரவேற்பாளர்கள் மற்றும் காவல் ஆளிநர்கள் கனிவாக நடந்து கொள்கிறார்களா என நேரில் பார்வையிட்டு ஆய்வு செய்தார். மேலும் காவல் நிலைய எல்லைக்குட்பட்ட பகுதியில் சட்டம் ஒழுங்கை பாதுகாக்க வேண்டும் எனவும், குற்றத்தடுப்பு தடுப்பு நடவடிக்கை மேற்கொள்ளவும், கஞ்சா, குட்கா மற்றும் இதர போதை பொருள்கள் நடமாட்டத்தை தடுக்க வேண்டும் எனவும், தமிழக முதலமைச்சரின் முதல்வரின் முகவரி மனுக்கள், பொதுமக்களிடமிருந்து நேரடியாக பெறப்படும் மனுக்களின் மீது தனிக்கவனம் செலுத்தி துரித நடவடிக்கை எடுக்கவும், ரோந்து காவலர்களின் எண்ணிக்கை அதிகப்படுத்தி, குற்றதடுப்பு நடவடிக்கை மேற்கொள்ள அறிவுரைகள் வழங்கினார்