திருப்பத்தூர் – ஜன -12,2024
Newz – webteam
இன்று திருப்பத்தூர் மாவட்ட காவல் அலுவலகத்தில் மாவட்ட காவல் கண்காணிப்பாளர் ஆல்பர்ட் ஜான்.IPS, தலைமையில் மாதாந்திர குற்ற கலந்தாய்வு கூட்டம் நடைபெற்றது.
இதில் திருப்பத்தூர் மற்றும் வாணியம்பாடி உட்கோட்ட காவல்துணை கண்காணிப்பாளர்கள், ஆய்வாளர்கள் மற்றும் உதவி ஆய்வாளர்கள் அனைவரும் கலந்து கொண்டனர். கூட்ட இறுதியில் சிறப்பாக பணியாற்றி உமராபாத், நாட்றம்பள்ளி வாணியம்பாடி கிராமிய காவல் நிலைய எல்லைகளுக்கு உட்பட்ட பகுதிகளில் சட்டவிரோதமாக மணல், மண் கடத்துதலில் ஈடுபட்ட நபர்களை கண்டறிந்து அவர்களின் டிப்பர்லாரி,ஜேசிபி, மற்றும் மாட்டு வண்டிகளை பறிமுதல் செய்து காவல் நிலையத்தில் ஒப்படைத்தமைக்காகவும்,
நீதிமன்றத்தால் பிடியாணை பிறப்பித்து நீதிமன்றத்தில் ஆஜராகாமல் இருந்த எதிரியை வெளி மாநிலத்திற்கு சென்று எதிரியை கைது செய்து வந்து நீதிமன்றத்தில்ஆஜர்படுத்தியமைக்காகவும், வாணியம்பாடி செட்டியப்பனூர் தேசிய நெடுஞ்சாலையில் ஏற்பட்ட பேருந்து விபத்தில் பாதிக்கப்பட்ட நபர்களை விரைவாக மீட்டு மருத்துவமனைக்கு அனுப்பி வைத்தது போன்ற மெச்ச தகுந்த பணிகளை செய்த மாவட்ட காவல்துறையினர் 37 பேருக்கு மாவட்ட காவல் கண்காணிப்பாளர் ஆல்பர்ட் ஜான்,IPS, பண வெகுமதி வழங்கி வெகுவாக பாராட்டி ஊக்குவித்தார்.
0 Comments