செடி,மரங்களுக்கு உயிர் கொடுக்கும் போக்குவரத்து காவலரின்‌ உயர்ந்த சேவை போலீஸ் கமிஷனர் பூங்கொத்து கொடுத்து பாராட்டு..

திருநெல்வேலி – ஜன -24,2024

Newz – webteam

செடி, மரங்களுக்கு உயிர் கொடுக்கும் நெல்லை போக்குவரத்து தலைமை காவலரை நேரில் அழைத்து பூங்கொத்து மற்றும் வெகுமதி அளித்து பாராட்டு தெரிவித்த, நெல்லை மாநகர காவல் ஆணையர்

பாளையங்கோட்டை போக்குவரத்து தலைமை காவலர் திரு.சீனிவாசன் அவர்கள் பல இடங்களில் மரங்களை நட்டு பராமரித்தும், ஓய்வு நேரத்தில் மரங்களுக்கு தண்ணீர் ஊற்றி வருகிறார். அவருடைய வீட்டில் 100க்கும் மேற்பட்ட வேப்பங்கன்றுகளை பராமரித்து வருகிறார். மேலும் பாளையங்கோட்டை போக்குவரத்து காவல் நிலையத்தில் சுமார் 100க்கும் மேற்பட்ட மரக்கன்றுகளை தண்ணீர் ஊற்றி பராமரித்து வருகிறார்.

இந்நிலையில் கொக்கிரகுளம் மாவட்ட ஆட்சித்தலைவர் அலுவலகம் அருகில் 17.01.2024ஆம் தேதி சுமார் 8 புங்கை மரங்களை வைத்து பராமரித்து வருகிறார். இவருடன் இணைந்து பாளையங்கோட்டை போக்குவரத்து காவல் ஆய்வாளர் பேச்சிமுத்து அவர்கள் மற்றும் காவல்துறையினர் ஒத்துழைப்பு வழங்கி வருகின்றனர்.

பாளையங்கோட்டை போக்குவரத்து தலைமை காவலர் சீனிவாசனின்‌‌‌ தன்னார்வ சேவைக்கு சமூக ஊடகங்களில் பாராட்டுக்கள் குவிந்து வந்த நிலையில் இன்‌‌‌று , நெல்லை மாநகர காவல் ஆணையர் முனைவர் பா.மூர்த்தி இ.கா.ப., போக்குவரத்து தலைமை காவலரை நேரில் அழைத்து பூங்கொத்து மற்றும் வெகுமதி அளித்து பாராட்டு தெரிவித்தார்