அரசு வழக்குரைஞர்களுக்கான ஒருநாள் திறன் மேம்பாடு பயிற்சி போலீஸ் கமிஷனர் தலைமையில் நடைபெற்றது….

திருநெல்வேலி – பிப் -17,2024

Newz – webteam

அரசு வழக்குரைஞர்களுக்கான ஒரு நாள் திறன் மேம்பாடு பயிற்சி நெல்லை மாநகர ஆயுத படை அலுவலகத்தில் நடைபெற்றது.

திருநெல்வேலி, தென்காசி, தூத்துக்குடி மற்றும் கன்னியாகுமரி மாவட்டத்தில் பணிபுரியும் அரசு வழக்குரைஞர்களுக்கான ஒரு நாள் திறன் மேம்பாடு பயிற்சி வகுப்பு நெல்லை மாநகர ஆயுதப்படை நிர்வாக கட்டித்ததில் இன்று திருநெல்வேலி மண்டல வழக்குரைஞர்களுக்கான துணை இயக்குனரகத்தால் நடத்தப்பட்டது. இந்நிகழ்ச்சியில் சிறப்பு விருந்தினராக நெல்லை மாநகர காவல் ஆணையர் முனைவர் பா.மூர்த்தி, இ.கா.ப.,  கலந்துகொண்டு சிறப்புரை வழங்கினார்கள். தடய அறிவியல் துறையை சேர்ந்த நிபுணர்களும் கலந்து கொண்டு தங்களுடைய அனுபவங்கள் மற்றும் மனஅழுத்தத்தை எவ்வாறு சமாளிப்பது போன்று அறிவுரைகள் வழங்கினார்

இந்நிகழ்ச்சியின் போது நெல்லை மாநகர காவல் ஆணையர் முனைவர் பா.மூர்த்தி, இ.கா.ப., முன்பு நடந்த ஒரு வழக்கை உதாரணமாக சொல்லி அந்த வழக்கில் காவல் துறையினரின் பங்கு மற்றும் அரசு வழக்குரைஞர்களும் பங்கு போன்றவற்றை அழகாக எடுத்துரைத்து காவல் துறையும் வழக்குரைஞர்களும் இணைந்து செயல்பட்டு குற்ற வழக்கில் சம்பந்தப்பட்ட நபர்களுக்கு விரைவில் தக்க தண்டனை பெற்று தரவேண்டும் என்று அனுபவங்களை பகிர்ந்து அறிவுரைகள் வழங்கினார்.