10,ஆண்டுகளாக சிறப்பாக பணியாற்றிய 57,போலிசாருக்கு முதல்வர் பதக்க விருது போலீஸ் கமிஷனர் அமல்ராஜ் வழங்கினார்

தாம்பரம் – பிப் -17,2024

Newz – webteam

தாம்பரம் மாநகர காவல், தாம்பரம் மாநகர காவல் ஆயுதப்படை வளாகத்தில் தழிழக முதலமைச்சர் அவர்களின் 2024-ஆம் ஆண்டிற்கான காவலர் நற்பணி பதக்கம் வழங்கும் விழா நடைபெற்றது.

இதில் காவல் ஆய்வாளர் பரந்தாமன் தலைமையில், காவல் உதவி ஆய்வாளர்கள் விமல், வடிவேல், மற்றும் கலைச்செல்வம் ஆகியோருடன் மூன்று படைப்பிரிவுகளாக ஆண் மற்றும் பெண் காவல் ஆளிநர்கள் நடத்திய அலங்கார அணிவகுப்பு மரியாதையை தாம்பரம் மாநகர காவல் ஆணையர், முனைவர்.அமல்ராஜ் இ.கா.ப.  ஏற்றுக்கொண்டு 10 ஆண்டுகளுக்கு மேலாக சிறப்பாக பணியாற்றிய 57 ஆண் மற்றும் பெண் காவல் ஆளிநர்களுக்கு 2024-ம் ஆண்டிற்கான  தமிழக முதல்வரின் காவலர் நற்பணி பதக்கங்களை வழங்கி கௌரவித்து சிறப்புரையாற்றினார்.

இவ்விழாவில் கூடுதல் காவல் ஆணையர், தலைமையிடம் (ம) போக்குவரத்து அவர்களும், அவர்களுடன் தாம்பரம் மாநகர காவல் துணை ஆணையர்கள் மற்றும் காவல் துறை அதிகாரிகள் கலந்துகொண்டு சிறப்பித்ததுடன், இவ்விழாவில் பதக்கங்களை பெற்றுக்கொண்ட காவல் ஆளிநர்களுடன் குழுவாக நின்று புகைப்படம் எடுத்து, இவ்விழா வெகுவிமர்சையாக தாம்பரம் மாநகர காவல் ஆயுதப்படை வளாகத்தில் நடைபெற்றது.