மெச்சதகுந்த பணிக்காக போலீசாருக்கு நற்சான்றிதழ் வழங்கி போலீஸ் கமிஷனர் பாராட்டு….

திருநெல்வேலி – அக் -16,2024

Newz -webteam

திருநெல்வேலி மாநகர காவல் ஆணையர் அலுவலகத்தில் நடைபெற்ற மாதாந்திர ஆய்வு கூட்டத்தில் மாநகரத்தில் சிறப்பாக பணிபுரிந்த காவல் துறையினருக்கு சான்றிதழ் வழங்கி பாராட்டிய மாநகர காவல் ஆணையர் .

திருநெல்வேலி மாநகர காவல் ஆணையர் அலுவலகத்தில் மாதாந்திர ஆய்வு கூட்டம் காவல் ஆணையர் ரூபேஷ் குமார் மீனா இ.கா.ப., தலைமையில் இன்று நடைபெற்றது.

இக்கூட்டத்தில், மாநகரத்தில் உள்ள அனைத்து வழக்குகளின் புலன் விசாரணை குறித்தும், நிலுவையில் உள்ள வழக்குகள் குறித்தும், கஞ்சா மற்றும் புகையிலை போன்ற போதைப்பொருட்கள் கடத்தல் மற்றும் விற்பனையில் ஈடுபடுபவர்கள் மீது கடும் நடவடிக்கை மேற்கொள்வது குறித்தும், பொது அமைதிக்கு பங்கம் விளைவிப்பவர்கள் மீதும் ரவுடிகள் மீது மேற்கொள்ளப்பட்டு வரும் நடவடிக்கைகள் குறித்தும், நீதிமன்ற அலுவல்கள் குறித்தும் மற்றும் பல்வேறு நிகழ்வுகள் குறித்தும் ஆய்வு நடைபெற்றது.

பின்பு மாநகரத்தில் சிறப்பாக பணிபுரிந்த காவல் அதிகாரிகள் மற்றும் காவல் ஆளினர்களை நேரில் அழைத்து நற்சான்றிதழ் வழங்கி பாராட்டினார்.

இக்கூட்டத்தில் காவல் துணை ஆணையர்கள் (மேற்கு) .கீதா, (தலைமையிடம்) G.S.அனிதா , (கிழக்கு) .விஜயகுமார்  மற்றும் காவல் அதிகாரிகள் ஆகியோர் கலந்துகொண்டார்