திடிரென‌‌ தரையிறங்கிய ஹெலிகாப்டரால்‌‌‌ பொதுமக்‌‌‌கள்‌‌‌ பீதி டிஎஸ்பி அருள் தலைமையிலான போலீசார்‌‌‌ தீவிர விசாரனை

தூத்துக்குடி – டிச -17,2023

Newz – webteam.

அம்பலசேரி கிராமத்தில் ஹெலிகாப்டா் அனுமதியின்றி தரையிறங்கியதா? என சாத்தான்குளம் டிஎஸ்பி அருள் விசாரணை நடத்தினாா்.

தூத்துக்குடி மாவட்டம், சாத்தான்குளம் அருகேயுள்ள அம்பலசேரி கிராமத்தில் சுமாா் 2 ஆயிரம் ஏக்கா் நிலப்பரப்பில் தனியாா் தொழிற்சாலை அமைக்கும் பணி நடந்து வருவதாகக் கூறப்படுகிறது. இதில், ஆரம்ப கட்டப்பணிகள் நடந்து வந்த நிலையில், வியாழக்கிழமை ஹெலிகாப்டா் ஒன்று தரையிறங்கியது.

அதிலிருந்து இறங்கிய நபா்கள் காா்கள் மூலம் அங்கு அமைக்கப்பட்டிருந்த அறைக்கு சென்று சுமாா் 15 நிமிடத்துக்கு பிறகு அதே ஹெலிகாப்டரில் திரும்பி சென்றுள்ளனா். அங்கு பணிக்கான அடிக்கல் நாட்டப்பட்டதாகக் கூறப்படுகிறது. இதுகுறித்து பிடானேரியில் இயங்கி வரும் சிட்கோ அதிகாரிகளிடம் கேட்டபோது, சிட்கோவுடன் புரிந்துணா்வு ஓப்பந்தம் மூலம் இந்தத் தொழிற்சாலை அமையவில்லையெனவும், அது தனியாா் மூலம் அமைக்கப்படலாம் எனவும், அதுகுறித்த தகவல்கள் எங்களுக்கு வரவில்லையெனவும் தெரிவித்தனா்.

இதுகுறித்து சாத்தான்குளம் காவல் துணைக் கண்காணிப்பாளா் அருள் மற்றும் போலீஸாா் சம்பவ இடத்துக்குச் சென்று விசாரணை நடத்தினா். அங்கு இந்தியா மற்றும் அமெரிக்க நாட்டின் கொடிகள் பறக்கவிடப்பட்டிருந்தது.

மேலும் அந்தப் பகுதியில் தூத்துக்குடி மாவட்ட ஆட்சியா் கோ. லட்சுமிபதி, சமூக நலத்துறை அமைச்சா் பெ.கீதாஜீவன் ஆகியோா் புகைப்படம் பொறிக்கப்பட்ட விளம்பரப் பதாகை ஒன்றும் அமைக்கப்பட்டிருந்தது தெரியவந்தது. அங்கு இருந்த பொறியாளரிடம் இதுகுறித்து போலீஸாா் விசாரித்தனா். அவரிடமிருந்து முழுமையான தகவல்கள் கிடைக்கவில்லை. போலீஸாா் தொடா்ந்து விசாரித்து வருகின்றனா்.