தடயங்களே இல்லாத ஆதாய கொலை சிறப்‌‌‌பான புலனாய்‌‌‌வு சிக்கிய குற்றவாளி அசத்‌‌‌திய தனிப்படை போலீசார் மாவட்ட எஸ்பி பாராட்டு…

கோயம்புத்தூர் – ஜன -06,2024

Newz – webteam

ஆதாய கொலை வழக்கில் சம்மந்தப்பட்ட குற்றவாளிகளை கைது செய்த காவல்துறையினரை பாராட்டிய மாவட்ட காவல் கண்காணிப்பாளர் …

கோவை மாவட்டம் செட்டிபாளையம் காவல் நிலைய எல்லைக்குட்பட்ட பகுதியில் கடந்த 30.12.2023 அன்று செட்டிபாளையம் பகுதியைச் சேர்ந்த இசக்கிமுத்து மனைவி தனலெட்சுமி(40) என்பவரை அடையாளம் தெரியாத நபர்கள் கொலை செய்து 8 சவரன் தங்க நகைகளை கொள்ளையடித்துச் சென்றுள்ளனர். மேற்படி ஆதாய கொலை வழக்கில் சம்மந்தப்பட்ட குற்றவாளிகளை விரைந்து கைது செய்ய மாவட்ட காவல் கண்காணிப்பாளர் உத்தரவிட்டதன் பேரில் 5 தனிப்படைகள் அமைக்கப்பட்டு புலன்விசாரணை மேற்கொண்டதில், தனிப்படை காவல்துறையினர் துரிதமாக செயல்பட்டு எந்தவித தடயங்களும் இல்லாமல் இருந்த சூழ்நிலையிலும் சிறப்பாக புலன் விசாரணை மேற்கொண்டு மேற்படி ஆதாய கொலை வழக்கில் சம்மந்தப்பட்ட குற்றவாளிகளை கைது செய்தனர். மேற்படி ஆதாய கொலை வழக்கில் திறம்பட செயல்பட்டு குற்றவாளிகளை விரைந்து கைது செய்த துணை காவல் கண்காணிப்பாளர்-காவல் ஆய்வாளர்-காவல் உதவி ஆய்வாளர்-1, சிறப்பு உதவி ஆய்வாளர்கள்-தலைமை காவலர்கள்- முதல் நிலைக் காவலர்கள் மற்றும் காவலர்கள்-ஆகியோர்களை மாவட்ட காவல் கண்காணிப்பாளர் திரு.பத்ரிநாராயணன்,இ.கா.ப., அவர்கள் இன்று மாவட்ட காவல் அலுவலகத்தில் வைத்து பாராட்டி, பாராட்டு சான்றிதழ் வழங்கினார்.