திருநெல்வேலி – ஜன -26,2024
Newz – webteam
75 வது குடியரசு தின விழா காவல்துறை அணிவகுப்பு மரியாதையுடன் பாளை வ.உ.சி மைதானத்தில் நடைபெற்றது.
75 ஆவது குடியரசு தின விழா இன்று நாடு முழுவதும் கொண்டாடப்பட்டது. இதை முன்னிட்டு திருநெல்வேலி மாவட்டம், பாளையங்கோட்டை வ.உ.சி மைதானத்தில் குடியரசு தின விழா நடைபெற்றது. இந்நிகழ்ச்சியில் திருநெல்வேலி மாவட்ட ஆட்சித்தலைவர் மருத்துவர் கா.ப.கார்த்திகேயன், இ.ஆ.ப., திருநெல்வேலி சரக காவல்துறை துணை தலைவர் பிரவேஷ்குமார் இ.கா.ப., அவர்கள், நெல்லை மாநகர காவல் ஆணையர் முனைவர் பா.மூர்த்தி இ.கா.ப., , திருநெல்வேலி மாவட்ட காவல் கண்காணிப்பாளர் சிலம்பரசன்.நெல்லை மாநகர காவல் துணை ஆணையர் (மேற்கு) . கீதா மற்றும் காவல்துறை அதிகாரிகள் கலந்து கொண்டனர்.
இதில் மாவட்ட ஆட்சித் தலைவர் அவர்கள் தேசியக் கொடியை ஏற்றி ஆயுதப்படை காவல் ஆய்வாளர் சுஜாதா முன்னிலை வகித்து வழிநடத்தி வந்த காவல்துறை அணிவகுப்பு மரியாதையை ஏற்றுக்கொண்டார்.
இதனையடுத்து தமிழ்நாடு காவல்துறையில் பத்து வருடங்கள் சீர்மிகு பணிபுரிந்த 52 காவலர்களுக்கு முதலமைச்சரின் காவலர் பதக்கம் மற்றும் திருநெல்வேலி மாவட்டத்தில் சிறப்பான முறையில் பணிபுரிந்த காவல்துறையினர் மற்றும் அமைச்சுப் பணியாளர்கள் உட்பட 38 பாராட்டு நற்சான்றிதழ்களை மாவட்ட ஆட்சியர் வழங்கினார்.
0 Comments