போலீசாரின்‌ இரவு பாதுகாப்பு பணிகளை திடீர் ஆய்வு செய்த மாவட்ட எஸ்பி

தூத்துக்குடி – நவ -22,2023

newz – webteam

தூத்துக்குடி மாவட்டத்தில் பல்வேறு பகுதிகளுக்கு மாவட்ட காவல் கண்காணிப்பாளர் டாக்டர் எல். பாலாஜி சரவணன் நேற்று இரவு திடீரென ரோந்து சென்று போலீசாரின் பாதுகாப்பு பணிகளை ஆய்வு செய்தார்.

மாவட்ட காவல் கண்காணிப்பாளர் டாக்டர் எல். பாலாஜி சரவணன் நேற்று இரவு புதுக்கோட்டை, தெய்வச்செயல்புரம், வல்லநாடு, மணக்கரை, ஆழ்வார்கற்குளம், தோழப்பன்பண்ணை, பேட்மாநகரம் உட்பட தூத்துக்குடி மாவட்டத்தின் பல்வேறு பகுதிகளுக்கு ரோந்து சென்று போலீசாரின் பணிகளை ஆய்வு செய்து ஆங்காங்கே இரவு ரோந்துப்பணியிலிருந்த காவல்துறையினருக்கு அறிவுரைகள் வழங்கினார்.