இரண்டாம் நிலை காவலர்களுக்கான உடற்தகுதி தேர்வு போலீஸ் கமிஷனர் தலைமையில் நடைபெற்றது….

திருநெல்வேலி -ஆகஸ்ட் -20,2024

Newz -webteam

தமிழ்நாடு சீருடைப் பணியாளர் தேர்வாணையம் மூலம் நடைபெற்ற இரண்டாம் நிலை காவலர்கள், தீயணைப்புத்துறை மற்றும் சிறைத்துறை காவலர் பதவிக்கு எழுத்து தேர்வில் தேர்ச்சி பெற்ற கூடுதல் தேர்வாளர்களுக்கு உடற் தகுதி மற்றும் திறன் தேர்வு திருநெல்வேலி மாவட்ட ஒருங்கிணைந்த ஆயுதப்படை மைதானத்தில் 20.08.2024 முதல் 23.08.2024 ஆம் தேதி வரை நடைபெறுகிறது.

சிறப்பு மேற்பார்வை அதிகாரியான(Super Check Officer) திருநெல்வேலி மாநகர காவல் ஆணையர் ரூபேஷ் குமார் மீனா இ.கா.ப., மற்றும் துணை குழுதலைவர் (Sub-committee Chairman) நெல்லை காவல் துணை ஆணையர் (தலைமையிடம்) அனிதா ஆகியோர் தலைமையில், காவல்துறை அதிகாரிகள், காவல் ஆளிநர்கள் மற்றும் அமைச்சுப் பணியாளர்கள் பணியமர்த்தப்பட்டு உடற்தகுதி தேர்வானது நடைபெறுகிறது.

இத்தேர்வில் இன்று கலந்துகொண்ட 362 தேர்வாளர்களுக்கு சான்றிதழ்கள் சரிபார்ப்பு (Certificate verification) உயரம் மற்றும் மார்ப்பளவு சரிபார்த்தல் (Physical measurement Test) சகிப்புதன்மை சோதனை(Endurance Test) போன்ற போட்டிகள் நடைபெற்றது. அதில் 268 தேர்வர்கள் திறன் தேர்விற்கு தகுதி பெற்றுள்ளனர். மேலும் நாளை 21.08.2024 ஆம் தேதி மீதமுள்ள 579 தேர்வாளர்களுக்கு சான்றிதழ்கள் சரிபார்ப்பு நடைபெறும். அதில் தகுதி பெற்றவர்களுக்கு அடுத்த கட்ட நிகழ்வுகள் நடைபெறும்.