தூத்‌‌‌துக்குடியில் டிஎஸ்பிக்‌‌‌கள்‌‌‌ மற்றும் உளவு பிரிவு போலீசாருக்கான சிறப்‌‌‌பு ஆலோசனை கூட்டம் எஸ்பி தலைமையில் நடைபெற்றது….

தூத்துக்குடி – செப் -02,2023

newz – webteam

தூத்துக்குடி மாவட்டத்தில் உள்ள அனைத்து காவல் துணை கண்காணிப்பாளர்கள் மற்றும் தனிப்படை போலீசாருக்கான ஆலோசனை கூட்டம் இன்று மாவட்ட காவல் கண்காணிப்பாளர் டாக்டர் எல். பாலாஜி சரவணன் தலைமையில் நடைபெற்றது.

தூத்துக்குடி மாவட்ட காவல்துறை அலுவலகத்தில் இன்று மாவட்ட காவல் கண்காணிப்பாளர் டாக்டர் எல். பாலாஜி சரவணன் அவர்கள் தலைமையில் அனைத்து காவல் துணை கண்காணிப்பாளர் மற்றும் தனிப்படை போலீசாருக்கான ஆலோசனை கூட்டம் நடைபெற்றது. இக்கூட்டத்தில் மாவட்டத்தில் சட்டவிரோத செயல்களில் ஈடுபடுவோர் மற்றும் பொது அமைதிக்கு பங்கம் விளைவிப்பவர்கள் மீதும் ரவுடிகள் மீதும் மேற்கொள்ளப்பட்டு வரும் நடவடிக்கைகள் குறித்தும், கஞ்சா மற்றும் புகையிலை போன்ற போதைப்பொருட்கள் கடத்தல் மற்றும் விற்பனையில் ஈடுபடுபவர்கள் மீதும் கடும் நடவடிக்கை மேற்கொள்வது குறித்தும் ஆலோசனை வழங்கப்பட்டது.

இந்த கூட்டத்தில் தூத்துக்குடி பெண்கள் மற்றும் குழந்தைகளுக்கெதிரான குற்ற தடுப்பு பிரிவு காவல்துறை கூடுதல் கண்காணிப்பாளர் கோடிலிங்கம், காவல் துணை கண்காணிப்பாளர்கள் தூத்துக்குடி சத்தியராஜ், தூத்துக்குடி ஊரக உட்கோட்டம் சுரேஷ், திருச்செந்தூர் வசந்த்ராஜ், ஸ்ரீவைகுண்டம் மாயவன், விளாத்திகுளம் ஜெயச்சந்திரன், சாத்தான்குளம் அருள் உட்பட காவல்துறையினர் மற்றும் தனிப்படை கலந்து கொண்டனர்.