நெல்லையில் பயிற்சி பெற்ற பேரிடர்‌ மீட்பு குழு தயார் நிலையில்

திருநெல்வேலி – நவ -20,2024

Newz – Webteam

திருநெல்வேலி மாவட்ட காவல் கண்காணிப்பாளர்  பயிற்சி பெற்ற காவலர்களைக் கொண்ட பேரிடர் மீட்புக் குழுவினரை எந்நேரமும் தயார் நிலையில் இருக்கும்படி அறிவுரை வழங்கினார்.

பொதுமக்களை மழைகால சேதங்களிலிருந்து பாதுகாக்க, திருநெல்வேலி மாவட்ட ஆயுதப்படையில் தயார் நிலையில் உள்ள பயிற்சி பெற்ற காவலர்களைக் கொண்ட பேரிடர் மீட்பு படையினர் மற்றும் அவர்களுக்கு வழங்கப்பட்டுள்ள பாதுகாப்பு உபகரணங்களையும் திருநெல்வேலி மாவட்ட காவல் கண்காணிப்பாளர் சிலம்பரசன்.,  மாவட்ட ஆயுதப்படையில் வைத்து பார்வையிட்டார்.

வடகிழக்கு பருவ மழை தற்போது தீவிரமடைந்து வருவதால் மழையால் ஏற்படும் சேதங்களிலிருந்து பொதுமக்களை பாதுகாக்கவும், அவரச அழைப்பிற்கு பொதுமக்கள் இருக்கும் இடத்தை தேடி உதவிகள் செய்யும் வகையில் அமைக்கப்பட்ட பேரிடர் மீட்பு குழுக்களை எந்நேரமும் தயார் நிலையில் இருக்க அறிவுறுத்தினார். இக்குழுவில், நீச்சல் மற்றும் வெள்ள நிவாரண பணிகளில் அனுபவம் வாய்ந்த காவலர்கள் உள்ளனர்.

மேலும் மழை காலங்களில் பொதுமக்கள் அனைவரும் பாதுகாப்பாக இருக்கும் படியும், மின்சாரம் சம்பந்தமான பொருட்களை கையாளும் போதும் வெளியில் செல்லும் போதும் கவனமுடன் இருக்கவும், ஆறு, குளம் போன்ற இடங்களுக்கு செல்வதை தவிர்க்கவும் அறிவுறுத்தினார்.