கஞ்சா குற்றவாளிகளை கைது செய்த போலீசாருக்கு மாவட்ட எஸ்பி சான்றிதழ் வழங்கி பாராட்டு….

கோயம்புத்தூர் – டிச -04,2023

newz – webteam

கஞ்சா குற்றவாளிகளை கைது செய்த காவல்துறையினரை பாராட்டி, பாராட்டு சான்றிதழ் வழங்கிய மாவட்ட காவல் கண்காணிப்பாளர் …

கோவை மாவட்ட காவல் கண்காணிப்பாளர் பத்ரிநாராயணன்,இ.கா.ப, மாவட்டத்தில் குற்றங்களை கண்காணித்து தடுக்கும் பொருட்டு மாவட்ட காவல் துறையினருக்கு பல்வேறு அறிவுரைகள் வழங்கியும், சிறப்பு நடவடிக்கைகள் மேற்கொண்டும் வருகிறார். இந்நிலையில் வால்பாறை பகுதியில் கடந்த 02.12.2023 அன்று சட்டத்திற்கு விரோதமாக 4 கிலோ கஞ்சா விற்பனைக்கு வைத்திருந்த 5 நபர்களை மாவட்ட காவல்துறையினர் கைது செய்தும், அவர்களிடமிருந்து 4 கிலோ கஞ்சாவை பறிமுதல் செய்து மேற்படி நபர்களை நீதிமன்ற காவலுக்கு உட்படுத்தினர்.

மேற்படி வழக்கில் சிறப்பாக செயல்பட்ட காவல்துறையினரை பாராட்டும் விதமாக, கோவை மாவட்ட காவல் கண்காணிப்பாளர் பத்ரிநாராயணன், இ.கா.ப.,இன்று மாவட்ட காவல் அலுவலகத்திற்கு நேரில் அழைத்து பாராட்டி, பாராட்டு சான்றிதழ் வழங்கினார்.