ஆயுதப்படை மைதானத்தில் போலீசாருடன் சமத்துவ பொங்களை குடும்பத்துடன் கொண்‌‌‌டாடிய எஸ்பி

திருநெல்வேலி – ஜன -13,2024

Newz – webteam

திருநெல்வேலி மாவட்ட ஆயுதப்படை மைதானத்தில் ஆயுதப்படை காவலர்களுடன் இணைந்து மாவட்ட காவல் கண்காணிப்பாளர் தலைமையில் சமத்துவ பொங்கல் விழா கொண்டாடப்பட்டது.

திருநெல்வேலி மாவட்ட ஆயுதப்படை மைதானத்தில் ஆயுதப்படையைச் காவலர்களுடன் இணைந்து இன்று காலை மாவட்ட காவல் கண்காணிப்பாளர் சிலம்பரசன்., தலைமையில் சமத்துவ பொங்கல் விழா வெகு விமர்சையாக கொண்டாடப்பட்டது.

இவ்விழாவில் கலந்து கொண்ட மாவட்ட காவல் கண்காணிப்பாளர் மாவட்ட ஆயுதப்படை காவலர்களுக்கு உறியடி (பானை உடைத்தல்) போன்ற விளையாட்டு போட்டிகளில் கலந்து கொண்டு வெற்றி பெற்றவர்களுக்கு பரிசு வழங்கி பாராட்டினார்.

பின் மாவட்ட காவல் கண்காணிப்பாளர் சிறப்புரையாற்றினார், அப்போது அவர் கூறியதாவது, ஆயுதப்படையில் உங்களுடன் இந்த பொங்கல் விழா கொண்டாடுவது மிகவும் மகிழ்ச்சியளிக்கிறது, பொங்கல் விழா அனைத்து சமுதாயத்தினரும் விரும்பிக் கொண்டாடப்படும் ஒரு பண்டிகையாகும் என்றும், அனைத்து காவலர்களுக்கும் மற்றும் அவரது குடும்பத்தாருக்கும் இனிய பொங்கல் வாழ்த்துக்களை தெரிவித்தார்.

இந்நிகழ்ச்சியில் ஆயுதப்படை துணை காவல் கண்காணிப்பாளர் சுப்பிரமணியன் , ஆயுதப்படை காவல் ஆய்வாளர் மகேஸ்வரி அவர்கள் மற்றும் உதவி ஆய்வாளர்கள், காவலர்கள் கலந்து கொண்டனர்.