முதல்வர் கோப்பை விளையாட்டு போட்டியில் பதக்கம் வென்ற போலீசாருக்கு மாவட்ட எஸ்பி பாராட்டு…..

திருப்பத்தூர் – ஜீலை -20,2023

newz – webteam

தமிழ்நாடு முதல்வர் கோப்பை விளையாட்டுப் போட்டிகள் சென்னையில் நடைபெற்று வருகிறது. கடந்த 18.07.2023 மற்றும் 19.07.2023 ஆம் தேதிகளில் அரசு பணியாளர்கள் பிரிவில் திருப்பத்தூர் மாவட்ட காவல்துறை சார்பாக ஆயுதப்படை காவலர் ஹரிகிருஷ்ணன் 3 KM தொடர் ஓட்டத்தில் மூன்றாம் இடம் பிடித்து வெண்கலம் பதக்கம் வென்றார்.

மேலும் திருச்சியில் நடைபெற்ற அமைச்சுப் பணியாளர்களுக்கான மாநில அளவிலான கேரம் போட்டிகளில் அமைச்சுப் பணியாளர் சாம் சுந்தர் ஒற்றையர் பிரிவில் முதலிடமும் இரட்டையர் பிரிவில் இரண்டாம் இடத்தையும் பிடித்து தங்கம் மற்றும் வெள்ளி பதக்கத்தை வென்றுள்ளார்.
போட்டிகளில் வெற்றி பெற்றவர்களுக்கு மாவட்ட காவல் கண்காணிப்பாளர் ஆல்பர்ட் ஜான்,IPS., நேரில் அழைத்து பாராட்டினார். மேலும் வருகிற போட்டிகளில் வெற்றி பெற அறிவுரைகளை வழங்கி ஊக்குவித்தார்.