இரவு ரோந்துபணியில் விழிப்புடன் செயல்பட்டு குற்றவாளியை பிடித்த மற்றும் மாற்றுதிறனாளிக்கு உதவிய போலீசாருக்கும்‌‌‌ போலீஸ் கமிஷனர் சான்றிதழ் வழங்கி பாராட்டு….

சேலம் – அக் -06,2023

newz – webteam

இரும்பாலை காவல் நிலைய எல்லைக்குட்பட்ட பகுதியில் ஒரு வீட்டில் 14 சவரன் தங்க நகைகள் மற்றும் செல்போன் ஆகியவற்றை திருடிய நபர்களை இரவு ரோந்து வாகன தணிக்கையில் இருந்த கொண்டலாம்பட்டி காவல் நிலைய சிறப்பு உதவி ஆய்வாளர்கள் .T.கோவிந்தராஜ், N.பரமசிவம், தலைமை காவலர் 443 D.தங்கவேல், ஊர்காவல் படையை சேர்ந்த யாரஃப் ஜான் மற்றும் G.பாலமுருகன் ஆகியோர் குற்றவாளிகளை பிடிக்க உறுதுணையாக இருந்தமைக்காவும் மற்றும் கடந்த 28.09.2023-ஆம் தேதி சேலம் கோட்டை பகுதியில் மூன்று சக்கர வாகனத்தில் சாலையை கடக்க முயன்ற மாற்றுத்திறனாளிக்கு உதவி செய்தமைக்காக நகர காவல் நிலைய தலைமை காவலர் சத்யநாதன் என்பவருக்கும், இன்று சேலம் மாநகர காவல் அலுவலகத்தில் நடைபெற்ற குற்ற ஆய்வுக் கூட்டத்தில் சேலம் மாநகர காவல் ஆணையாளர் .பா.விஜயகுமாரி இ.கா.ப., அவர்கள் பாரட்டி சான்றிதழ்களை வழங்கினார்