தூத்துக்குடி மாவட்ட ஊர்காவல்படைக்கு 6,பெண்கள் உட்பட 59,பேர்‌‌‌ தேர்வு

தூதாதுக்குடி – நவ -10,2023

newz – webteam

தூத்துக்குடி மாவட்ட காவல்துறை அலுவலக வளாக மைதானத்தில் இன்று ஊர்க்காவல் படைக்கு ஆட்கள் தேர்வு மாவட்ட காவல் கண்காணிப்பாளர் டாக்டர் எல். பாலாஜி சரவணன் தலைமையில் நடைபெற்றது.

தூத்துக்குடி மாவட்ட ஊர்காவல் படைக்கு 53 ஆண்கள் 6 பெண்கள் என 59 பேர் ஊர்க்காவல் படை வீரர்களாக (Home Guards) தேர்வு செய்யப்பட உள்ளனர் எனவும், விண்ணப்பதாரர்கள் இன்று தூத்துக்குடி மாவட்ட காவல்துறை அலுவலக வளாக மைதானத்தில் உரிய சான்றிதழ்களுடன் ஆஜராகுமாறு கடந்த 06.11.2023 அன்று பத்திரிகைகள் மற்றும் ஊடகங்கள் வாயிலாக தெரிவிக்கப்பட்டு இருந்தது.

அதன்படி இன்று தூத்துக்குடி மாவட்ட காவல்துறை அலுவலக மைதானத்தில் தூத்துக்குடி மாவட்டத்தைச் சேர்ந்த 30 பெண் விண்ணப்பதாரர்கள் உட்பட 250 பேர் ஆஜராகியிருந்தனர். ஆஜரான விண்ணப்பதாரர்கள் அனைவருக்கும் உயரம், கல்வித்தகுதி, சான்றிதழ் சரிபார்ப்பு மற்றும் நேர்காணல் தூத்துக்குடி மாவட்ட காவல் கண்காணிப்பாளர் டாக்டர் எல். பாலாஜி சரவணன் தலைமையில் நடைபெற்றது.

இத்தேர்வு தூத்துக்குடி தலைமையிடத்து காவல்துறை கூடுதல் கண்காணிப்பாளர் கார்த்திகேயன், மதுவிலக்கு அமலாக்க பிரிவு காவல் துணை கண்காணிப்பாளர் சிவசுப்பு, ஆயுதப்படை காவல் உதவி ஆய்வாளர் நடராஜன், ஊர்க்காவல்படை வட்டார தளவாய் பாலமுருகன், துணை வட்டார தளவாய் கௌசல்யா, ஆகியோர் அடங்கிய தேர்வுக்குழுவினர்கள் முன்னிலையில் நடைபெற்றது.